Përshkrimi Jo shumë vjet më parë, kodimi kompjuterik shihej si një aftësi e mistershme që mund të ushtrohej vetëm nga specialistët. Në harkun kohor të pak viteve, interneti , emaili, rrjetet sociale, smartfonët kanë transformuar mënyrën tonë të jetesës. Kompjuterat janë tashmë pjesë e pandashme e jetës sonë. Çdo gjë sot lidhet me kompjuterat. Por ne mund të bëjmë më shumë sesa thjesht ta përdorim këtë teknologji; ne mund ta krijojmë vetë atë. Gjithçka që bëjnë kompjuterat, komandohet nga rreshtat e kodeve që dikush i ka shkruar duke përdorur një tastierë. Kodimi është sot një nga njohuritë më të rëndësishme që mund të mësojë njeriu i shekullit XXI. Kodimi është edhe krijues; është ndoshta shkenca e parë që kombinon në një artin, logjikën, rrëfenjën dhe biznesin. Mësoni të kodoni dhe bota dixhitale do të jetë në duart tuaja! Rreth autorëve: Carol Vorderman Ma (Cantab) MBE ( Master of Business Engineering), është një nga prezantueset më të dashura televizive dhe njëkohësisht, është e njohur për aftësitë e saj në matematikë. E diplomuar për inxhinieri në Universitetin e Kembrixhit, Karola i kushton shumë rëndësi çështjes së kodimit kompjuterik dhe mendon se çdo fëmije i duhet dhënë mundësia për ta përvetësuar këtë aftësi të vyer. DR Jon Woodcock MA (OXON) Është diplomuar për fizikë në Universitetin e Oksfordit dhe ka marrë gradën Doktor i Shkencave të Astrofizikës njehsuese në Universitetin e Londrës. Ka nisur të merret me kodimin që tetë vjeç dhe ka programuar të gjitha llojet e kompjuterave. Sean McManus Ka mësuar të programojë që kur ishte nëntë vjeç. Gjuha e tij e parë e programimit ishte LOGO- ja. Sot ai është autor dhe ekspert në informatikë. Craig Steele Është specialist i arsimit për shkencat kompjuterike dhe Përgjegjës Projkti për " CoderDojo Scotland". Kompjuteri i parë i Creigut ishte një ZX Spectrum. Claire Quigley Ka studiuar për shkenca kompjuterike në Universitetin e Glazgout, ku mori gradat Bacelor i Shkencave dhe Doktor i Shkenave. Daniel McCafferty Ka marrë gradë në Shkencat Kompjuterike Në Universitetin e Strahklajdit. Që kur u diplomua është marrë me zhvillimin e softuerave për disa nga bankat investuese më të mëdha të botës.