Përshkrimi Meri Popins është sqimatare, shihet shpesh në pasqyrë, iu dhuron fëmijëve aventura magjike dhe argëtuese, i zbret shkallët duke rrëshqitur në parmakët e tyre, ndërsa valixhen duket sikur e ka bosh dhe të lehtë, por prej saj dalin llojlloj objektesh me forma të çuditshme. Meri këmbëngul se të gjitha gjërat magjike ndodhin se ia kërkojnë fëmijët. Ajo është rreptë dhe e dashur, ndonjëherë edhe e vrazhdë, por njëherësh e aftë të këshillojë të vegjël e të rritur. Kur mendon se e ka përmbyllur misionin e saj largohet pa asnjë lajmërim, me ndryshimin e erës, ashtu sikundër edhe erdhi: duke u mbajtur në çadrën e saj të bukur me dorezë në formën e krokodilit. Por lë pas një familje të lumtur.
Duke u ngarkuar. Ju lutem prisni...
