Përshkrimi Libri botohet në përvjetorin e ndarjes nga jeta të shkrimtarit të mirënjohur BETIM MUÇO, duke u rikthyer në njërën prej formave më të bukura me të cilën mund të kujtohet dhe nderohet një autor. Botimi është i ndarë në tre libra: Libri parë i është kushtuar Sagitës. Ai mban titullin “ËSHTË Ç’NA ËSHTË", ku janë 39 përralla. Libri i dytë “MËSIMET E MESNATËS” i kushtohet Fedorës, mban titullin e brendshëm intim, “Bota në sytë e Dolës” dhe ka 47 përralla. Libri i tretë që i brendashkruhet botimit titullohet “PENDA E PULËBARDHËS”. Janë përrallat që i kushtohen Zinartit. Që në parathënie bëhet e qartë se ka ndryshuar jo vetëm regjistri i komunikimit me “një fëmijë”, por edhe koha. Jemi në një tjetër situatë shoqërore. Alegoritë sociale të qëmtuara në “Librin e Dolës”, botuar së pari në vitin 1986, vijojnë dhe thellohen me librin kushtuar Zinartit, botuar 10 vjet më vonë. Vlerë që i shtohet dhe e pasuron shumë librin janë ilustrimet e bukura, plot finesë dhe ngjyra të këndshme për syrin, krijuar enkas për këtë botim nga Bora Baboçi. Këto ilustrime e bëjnë edhe më të dashur për lexuesin nga paraqitja grafike e Joan Leka dhe Xhoel Leka. Jo thjesht përralla për fëmije. Fundja një rrëfim të cilit i gëzohen vetëm fëmijët nuk është një histori fort e mirë, shprehet shkrimtari Clive Staples Lewis. Si një ftesë e hapur për lexim duket se libri 101 përralla “MËSIMET E NATËS” të Betim Muços e ka përballuar këtë sfidë....
Duke u ngarkuar. Ju lutem prisni...
