Politika është një ndër ato fjalë (si për shembull gjeografia dhe historia) që përshkruajnë edhe një veprimtari, edhe studimin e kësaj veprimtarie. Ky është fjalor i politikës në kuptimin e dytë, jo në të parin. Me fjalë të tjera, nuk është fjalor që përshkruan ngjarjet, as fjalor i politikanëve, as fjalor i vendeve dhe i rajoneve ku bëhet politikë (domethënë, kudo në botë). Ka shumë fjalorë të tillë, dhe nuk ka kuptim të shtosh numrin e tyre. Ky fjalor trajton konceptet, njerëzit dhe institucionet që përmenden zakonisht në shkrimet akademike dhe shkencore që kanë të bëjnë me politikën. Konceptet dhe institucionet pak a shumë kuptohet përse përfshihen. Kurse njerëzit duhet të plotësojnë dy kritere për të hyrë në këtë fjalor. I pari, duhet të kenë dhënë një ndihmesë të shquar në zhvillimin e teorisë së politikës, në projektimin dhe krijimin e institucioneve politike, ose në shkencën e politikës; i dyti, duhet të kenë vdekur para prillit 1994.