Forcat e ndryshimit tregon se qëllimi moral-ndikimi në jetën e të rinjve-është vendimtar për reformat, por nuk është edhe aq i thjeshtë sa duket. Duke ndjekur temën e qëllimit moral dhe të ndryshimeve komplekse, libri e hap `kutinë e zezë' për të shpjeguar arsyen • përse kulturat bashkëpunuese janë të suksesshme dhe çfarë duhet për t'i krijuar dhe mbajtur ato. Libri depërton thellë në rolin e dijes brenda dhe jashtë organizatave të të nxënit. Ky e shpalos problemin e transferueshmërisë, përse idetë shumë të mira nuk përdoren nga të tjerët dhe si të formulohen strategjitë për të mundësuar ndryshimin në shkallë të gjerë. Në këtë libër shtjellohen mësimet për kuptimin e ndryshimit kompleks dhe fitojmë ide specifike për atë se si mund të kombinohet suksesi në nivel vendor me nisma reformuese në shkallë të gjerë. Për më tepër, kuptojmë se forcat poshtë-lart dhe lart-poshtë jo vetëm që duhet të bashkëjetojnë, por edhe duhet të ushqejnë njëra-tjetrën.
Duke u ngarkuar. Ju lutem prisni...