Marrëdhëniet publike kanë në vetvete një forcë të fuqishme. Kur bëhen pjesë e një mishmashi marketing, një kombinim i disiplinave dhe i teknikave të tjera, ndikimi i tyre mund të jetë marramendës. Por pavarësisht identifikimit popullor me mashtrimin, Marrëdhëniet publike janë çështje serioze, efikase dhe të leverdisshme po t'i krahasojmë me funksione të tjera të marketingut. Një shprehje, e përdorur vite të tëra në programet e trajnimit për shitje thoshte se nuk ndodh asgjë deri kur dikush shet diçka. Sigurisht që procesi i shitjeve i vë gjërat në lëvizje, por një pjesë e madhe e aktivitetit ndodh para këtij procesi. Fillon me një ide që të shpie në një plan, të cilit i nevojitet ndarje informacioni për të prodhuar përfundimet e idesë e për të ngritur një sistem shpërndarjeje. Këto janë vetëm disa nga përbërësit e marketingut, ku Marrëdhëniet publike luajnë një rol kyç në pothuajse çdo hap. Ky libër është shkruar për gjithkënd i cili ka për momentin nevojë të shkojë në funksion të tij Marrëdhëniet publike, qoftë ky punonjës në sektorin e Marrëdhënieve publike ose në çdonjërën disiplinë marketingu, në veçanti në punë kërkimore mbi reklamat dhe marketingun. Për pothuajse të gjitha nivelet e praktikisht për çdo biznes Marrëdhëniet publike janë një aspekt tejet i rëndësishëm i asaj çka njerëzit bëjnë, qofshin ata të ndërgjegjshëm ose jo për këtë aspekt.