Botimi që keni në dorë ruan stilin e qartë të të shkruarit prej të cilit libri është bërë i famshëm. Teksti siguron trajtim të saktë dhe të përditësuar të fushave bazë të psikologjisë së edukififit - të nxënët, zhvillimi, motivimi, mësimdhënia dhe vlerësimi - të kombinuara këto me një analizë inteligjente të prirjeve të reja të shkencës dhe të shoqërisë, të cilat kanë ndikim në procesin e të nxënit. Të tilla prirje janë: shumëllojshmëria e prejardhjeve të nxënësve, integrimi i nxënësve me nevoja të veçanta të të nxënit, teknologjia, edukimi, neuroshkenca. Të reja të rëndësishme në fushën e të nxënit dhe të zhvillimit Botimi i njëmbëdhjetë përfshin: trajtim të zgjeruar të konstruktivizmit, teorisë socio-konjitive dhe të të nxënit vetërregullues, si dhe kapituj të rinj që u kushtohen Shkencave të të nxënit dhe motivimit dhe Pikëpamjeve socio-konjitive rreth të nxënit dhe motivimit. trajtim shumë të zgjeruar të trurit dhe neuroshkencës, që jepet në mënyrë të integruar në gjashtë kapituj - Kapitujt 2, 3, 4, 6, 7 dhe 9. trajtim të zgjeruar të teorisë së Bronfenbrenerit dhe rolit të kontekstit gjatë të nxënit dhe zhvillimit. Në tërësinë e tyre, këto materiale e fusin studentin në përmbajtjen e tekstit dhe e lejojnë atë dhe pedagogët e tij të përfitojnë nga një përvojë më e thellë dhe më kuptimplote e të nxënit.
Duke u ngarkuar. Ju lutem prisni...
