Ilir Levonja ka lindur në 12 nëntor 1968 në Lushnjë. Shkollën fillore dhe të mesmen i kreu në qytetin e tij. Ndërsa studimet e larta në Universitetin e Elbasanit, në degën Gjuhë dhe Letërsi. Prej vitit 1993 e deri në 2000 ka drejtuar Qendrën Kulturore “Vaçe Zela” në Lushnjë. Nga viti 2000 deri në 2005, mësues i Gjuhës dhe Letërsisë në gjimnazin e Fiersheganit. Mbas këtij viti emigron në Shtetet e Bashkuara të Amerikës. Jeton dhe punon në Deerfield Beach, Florida. Me krijimtari letrare u prezantua për së pari në gazetën lokale të Lushnjës, rreth viteve ‘89. Që nga ajo kohë është prezent në shtypin shqiptar si eseist.