KUJTIMET E ADRIANIT është kryevepra e shkrimtares franceze Marguerite Yourcenar, me të cilin autorja fitoi famë botërore kur u botua. Roman historik dhe njëherësh tekst poetik e filozofik, ky libër, në të cilin rrëfehet në vetë të parë jeta dhe vdekja e Perandorit romak Adrian, trajton temat e mëdha të jetës, që i ka aq fort për zemër shkrimtarja frënge: dashuria, vdekja, trupi e shpirti, koha që rrjedh e shkon, arti dhe e bukura. Libri u botua në Francë më 1951 dhe pati një sukses të jashtëzakonshëm e të menjëhershëm. Kryevepër klasike e letërsisë moderne frënge: klasike si temë e si stil, por edhe në kuptimin tjetër, sepse trajton problemet e përjetshme e të tejkohshme të qenies njerëzore.