NILKON, pjesa e dytë e trilogjisë KREUZTANNE. Një histori e vërtetë. Filluar në kulmin e debateve të kuqta flakë pas ngjarjeve të 11 shtatorit 2001 në New York, vazhduar nëpër bardhësirat vjeneze të janarit 2002 dhe mbyllur nëpër verdhësirat e nëntorit egjiptian në Kajron e po atij viti me misionin shpirtëror për ndërtimin e urës artistike që do të lidhte Danubin me Nilin. Një roman ku realiteti dhe fiksioni shkrihen në një të vetme për ta bërë këtë libër një monument të dashurisë dhe vlerave të ngjashme midis popujve dhe civilizimeve.