Me një humor tepër të hollë - të denjë për ta shndërruar në film-komedi - kjo kronikë për historinë e emigrimit të fillimviteve ‘90, të eksodeve të mëdha tokësore e detare të shqiptarëve – Ylli Molla rrëfen në vetë të parë rrugëtimin e tij si njëri prej atyre mijëra shqiptarëve që kaluan maleve kufirin me Greqinë. Ky libër është një homazh për të gjithë shqiptarët viktima të emigracionit ilegal; është si një hartë e gjallë, me plot emra vendesh të njohura e peizazhe mesdhetare në të dyja anët e kufirit, është një skenë jetësore me shumë personazhe realë e të paraqitur me thjeshtësinë e vërtetësinë e kohës, pa lajlelule, me marrëdhëniet, fatet, udhëkryqet, dramat e mbijetesën e tyre; si në fragment filmi bardhezi është paraqitur mendësia e një epoke, që urojmë të mos rikthehet.
Duke u ngarkuar. Ju lutem prisni...
