"Zahiretë" janë një udhëtim vetjak ku bota përsërit ciklin e vet me ngjyrime të pangjashme, duke marrë shkas më shumë drejt aktit të çkodimit të njeriut sesa përfytyrimit të tij për të kapur të ardhmen, që do na dukej aq e papritur, si në një stepje për të kaluar diku. "Zahiretë" kanë fatin të grupohen në një vëllim, për ta bërë më të përftueshëm atë momentin e mosbesimit që ndahet me një fije peri nga projeksioni i ngjizjes së një dialogu të hapur. "Zahiretë" janë një mundësi për të përjetuar një drithërimë mes normales në gjuhë dhe anormales si projeksion që duhet çkoduar e përkthyer për gjindjen. Është një udhëtim i pakontrolluar, spontan dhe me qejfin se mund t’i rrëfehem vetes, por këtë herë nëpërmjet rileximit, si një lexues anonim.
Duke u ngarkuar. Ju lutem prisni...