Përmes rrëfimit të historisë siç mund ta njohin vetëm viktimat, Amik Kasoruho na ka shpalosur para syve, me ngjyrat e një piktori virtuoz dhe të një vëzhguesi shumë të shprehtë, një dëshmi të hidhur e rrëqethëse të Shqipërisë së tjetërsuar, të masakruar e të rrënuar shpirt e trup nga diktatura totalitare, më çnjerëzorja e më mizorja e të gjitha vendeve të Lindjes. Është dëshmia jo e një, por e disa “brezave të humbur” dhe, ç’është më tragjikja, është dëshmia e një kohe fatalisht të humbur për atdheun tonë të martirizuar e të nëpërkëmbur gjatë shekujve.