Kjo ese e gjatë e autores së madhe angleze është kthyer tashmë në një tekst referencë të literaturës feministe. Woolf përcjell idenë se “seksi i dytë”, si do ta quajë më vonë Simone de Beauvoir gjysmën e njerëzimit, pra gjininë femërore, është i aftë njësoj si gjysma tjetër të përftojë art e letërsi, po të ketë kushtet e duhura të shkollimit e të punës. Pra nëse do të ketë një dhomë më vete si dhe të ardhura të mjaftueshme për të qenë e pavarur dhe e lirë. Romanciere, eseiste, feministe e moderniste, një nga themelueset e Grupit të Bloomsburyt, Virginia Woolf është një nga intelektualet më ndikuese të shekullit XX.