Detajet e Dinamika e komunikimit masiv, media në periudhën digjitale
Pjesë nga libri: Unë mendoj se e kam parashikuar të ardhmen e mediave masive. Së pari, ne do të jemi kudo. Argëtimi dhe informacioni do të na paraqiten në ato që industria i quan platforma të shumëfishta: ekrane të mëdha (TV shtëpiakë), kompjuterët dhe ekrane të vegjël (celularë dhe PDA). Gazetat dhe revistat do të jenë në web dhe në celularë. Videot dhe audiot do të shihen në makina, në zyra, në shtëpi, në avionë dhe në pistat e vrapimit. "Gjithçka gjithkund" është fraza që aktualisht përhapet nga media. Së dyti, ne do të kemi çdo gjë nën kontroll. Videoregjistruesit digjitalë (si TiVo) dhe videot me telekomandë na lejojnë të shohim TV kur duam vetë (dhe, nëse duam, mund të kalojmë reklamat). Përpunuesit e lajmeve, sikurse Google, na lejojnë të zgjedhim një duzinë burimesh të ndryshme të lajmit. Ne mund të shesim vetë në eBay. Nuk doni të dilni jashtë shtëpisë për të parë një film? Shkarkojeni atë dhe shiheni kur të dëshironi. E treta, ne po bëhemi pjesë e tyre... E katërta, interneti do të vazhdojë të prishë gjithçka. Në të vërtetë, ky botim i ri mund të titullohej edhe "Shkatërrimi i komunikimit masiv". Gazetat dhe revistat do të vazhdojnë përpjekjen e tyre për të zbuluar modele të reja biznesi që përfshijnë web - in. Rrjetet televizive dhe kompanitë kinematografike do të përballen me konkurrencën e një grushti kanalesh që transmetojnë video. Reklama do të vazhdojë të shfaqet në internet, e po ashtu edhe shumë nga aktivitetet kushtuar marrëdhënieve publike.Më në fund, e-books mund të rimodelojë industrinë e botimit. Kjo është gjithçka që unë mendoj se është duke ndodhur.