Detajet e Set 3 libra në një pako, - Rrno vetëm për me tregue
Rreth botimit Vëllimi i parë “Rrno vetëm për me tregue”, i titulluar “Libri i kujtimeve”, përfshin periudhën 1944 – 1951. Vëllimi i dytë “Rrno vetëm për me tregue”, “Liria midis dy burgimeve”, përfshin periudhën 1950-1967. Vëllimi i tretë “Rrno vetëm për me tregue”, “Robnia e gjatë”, përfshin periudhën 967-1989. Ky set ka një paketim fantastik për dhurata apo kujtime për miqtë që janë të pasinuar pas një zhanri të tillë. Librat janë përgatitur me kopertinë të trashë dhe duhet të jenë patjetër pjesë e bibliotekës tuaj. Thanë për librin Ismail Kadare “Gjithë shoqëria shqiptare ka nevojë për këtë vepër. Kanë nevojë për të ata që e kanë jetuar atë kohë, e po aq, në mos për më tepër, ata që s’e kanë jetuar. Kanë nevojë të shtypurit e të nëpërkëmburit, e po aq, e mos më tepër, ata që shtypën të tjerët. Kanë nevojë antikomunistët, e po aq, ndoshta më tepër, komunistët. Shkurt për të ka nevojë ndërgjegjja jonë.” Aurel Plasari “Rrno vetëm për me tregue”, na bën të mendohemi se sa e vështirë është të “vlerësosh” përmbajtjen historike të një gjysmë shekulli shqiptar… Kam bindjen se një shumice shqiptarësh do t’u hyjë në punë kjo dëshmi për ta kuptuar se mohimi i së kaluarës – kulti i harresës – është një nga mënyrat më perfide për të përligjur a posteriori gjithë sa ka pasur kriminale një rregjim.” Blendi Fevziu “Rrno vetëm për me rrefye”! Një libër i jashtëzakonshëm, ngjethës, por edhe reflektues. Një libër, që përbën padyshim korpusin qëndror të momuaristikës së burgut e më gjerë në vitet e komunizmit, por që përbën një monument të rëndësishëm për gjithë vuajtjen e klerit në Evropën Lindore komuniste.” Albana Marku (koment në blogun e Bukinist.al) At Zef Pllumi te “Rrno vetëm për me tregue“ përsonazhi kryesor real (non-fiction). Një rrëfim rrënqethës, me epiqendër vuajtjet e çdo shqiptari në kohën e monizmit. Ai nuk është një personazh i trilluar as ngjarjet nuk janë të zbukuruara është vet ai personazhi kryesor i cili i bën ballë çdo lloj torture dhe përpuzje, por kurrë nuk e mohon Zotin. Personazhi i cili dashuron jetën dhe nderin, bën gjithmonë përpjekje për t’i dhënë dritë tokës mëm nuk dorëzohet kurrë kundrejt puthadorëve monistë. Është ai personazh i cili gjen zgjidhje edhe brenda hekurave të burgut vetëm për të mbijetuar sepsë mbijetesa ishte ajo për të cilën luftonin të gjithë. Një njeri i cili nuk lë në baltë askënd por jep kurajo dhe aty ku shpresa kish vdekur… Personazhi dhe autori që unë adhuroj i cili të fal ndjenjën e patriotizmit, dashurisë, adhurimit.. të bën të ndihesh gjallë edhe kur mendon se ke vdekur. ( THJESHTË UNIK)