Zbatimet e analizës së të dhënave dhe metodologjia statistike janë pjesë integrale e organizimit dhe e paraqitjes së materialit në tekst. Diskutimi dhe zhvillimi i çdo teknike paraqitet në kuadrin e një zbatimi, pasuar me rezultate statistike, që japin idera për vendimet dhe zgjidhje për problemet. Megjithëse libri është me orientim aplikativ, ne kemi patur kujdes të japim zhvillime metodologjike solide dhe të përdorim shënime, që janë përgjithësisht të pranuara për çështjet, që mbulohen. Për rrjedhojë, studentët do ta konstatojnë se teksti jep një përgatitje të mirë për të studivar materiale statistike më të avancuara. Një bibliografi për të drejtuar studimin e mëtejshëm përfshihet si shtojcë. Teksti u paraqet studentëve paketat kompjuterike Minitab 15 dhe Microsoft° Office Excel 2007 dhe thekson rolin e softuerit kompjuterik në zbatimet e analizës statistike. Minitab-i përdoret për ilustrim sepse është një nga softuerët kryesorë statistikë si në arsim, ashtu edhe në praktikën statistike. Excel-i nuk është paketë softuerike statistike, por disponibiliteti dhe përdorimi i gjerë i Excel-it e bëjnë të rëndësishme për studentin që të kuptojë mundësitë statistike të kësaj pakete. Procedurat në Minitab dhe në Excel jepen në shtojcat; kështu instruktorët kanë fleksibilitetin që ta theksojnë përdorimin e materialit kompjuterik aq sa e quajnë të dëshirueshëm për kursin.