Detajet e Shumësi i Singularizuar Në Gjuhën Shqipe
Kur merr e lexon këtë libër duket sikur po lexon një “histori detektivësh” përmbi fjalët e shqipes. Autori hulumton aty dukurinë e singularizimit të shumësit, dukuri gramatikore mjaft e shpeshtë e gjuhës shqipe. Procesi që ka vepruar në rrjedhë të kohës, në shumicën e rasteve ka qenë i dyfishtë: sëpari është përdorur shumësi; pastaj nga trajta e shumësit është formuar një njëjës i ri, pra është singularizuar shumësi. Ky proces, që shfaqet edhe në të tjera gjuhë, ka zënë shpeshherë rrënjë aq të thella, mbulimi i njëjësit të mëparmë nga ana e shumësit ka qenë aq i plotë, saqë njëjësi jo pak herë është zhdukur pa lënë gjurmë, dhe duhet aftësia gjurmuese e gjuhëtarit për ta diktuar.